TITULARES

Atî



Mandu´a jarekóvaerâ akôinte. Ñamomorâ kuña paraguaya, ñande rekove, ñande rekoha. Ñande tavarandu, ñane ñe´ê. Avapa che motî che angirûnguera paraguaigua oñe´ekuaa´yva guarani ñe´e. Ko pyharepe ahechakuévo marandu, ambyasyeterei mba´éichapa tapicha periodista otratravilla guaraní oñomonguetahaguâ mitändive. Ndojapokuaái porandu, hasyeterei vaicha chupe oiporu pe ñe´e he´êasyva eiraicha -ndaje- ha momba´eguaípe, nda heta ara, oñemboguerosapukáivaekue canal 9 guakuérape omohesâijevyhaguâ guarani ñe´e. 
Tesaráipe jevyma oho. Tekotêvente ñanemo saraki sapy´aite, japáy ñapu´â pochype pya´eterei jevyhagua oparei pytagua ombogueséva ñande ñe´e. ¿ha upéi? ¿Jahejata akâraku ajánte la pochy? Ndaha´éi guarani pysyrôhára jurureínteva. Tekotevê jaiporu akôinte ñane ñe´e, jaguerochichî ha yvatete jahupi, ñamotendondé tavarandu, ndaha´éiva ñe´e año, jahechauka haguâ pytaguakuérape mba´epa ha mávapa la ovaléva añetetehape.
Añeté ha´e. Ndaikua´ai pochypa, ryrô terâ py´aro la añandúva ahecharô ha ahendurô che irûnguera ikoygua, itavy. Oiporu kuaave la inglés terâ castellano ha guaraní ombotapykue. 
¿Ndaha´eiramo ko´âga, araka´e? Ñañepyrûma va´erâ ñamomorâ ha ñamo tenonde ñane ñe´e ha ñande tavarandu. Yramo ñandepochyparei, akôinte.

Sobre Juan Edgardo Lezcano

Facilitador de Talleres de Comunicación y TIC´s. Fundador de LEZCORP y Director de Editorial de Medios, Publicidad y Eventos. En twitter @edLEZ